續約...又一年啦!

又到續約的時候, 即是代表我又在這間公司做多一年了!

但今年有一點不同, 不同的是我老細並沒有跟我面對面做apprasial, 大家只是在表格上, 各自填上自己的部份就完事. 初時我以為趕著交份表去HR, 所以先填表, 再後補面談部份. 豈料, 上星期五HR已經打電話叫我去簽約!

昨天, 我跟我老細提問此事, 她竟然跟我說, 因為她和其他同事面談時, 他們都沒有什麼要跟她說, 所以以為我都會是一樣, 所以便沒有安排跟我面談吧! 真吹帳! 其他人冇意見, 唔代表我都冇意見! 雖然我跟我老細關係很要好, 但我會覺得這樣的安排好唔尊重我咁. 感覺就好似睇死我, 你地offer乜野俾我都一定會要, 唔敢反抗咁! 好討厭!

還有另一樣件事令我覺得討厭的, 就是和她說起升職和轉長工的問題, 她跟我說阿xx(男同事) 人工比我還要抵, 但他剛剛結左婚, 要養家wo, 要升都升佢先啦!! 你第二時可以嫁人, 唔駛咁緊張d錢呀! ........我聽到果刻真係一句"頂"! 咁都得! 於是乎答佢: 我都未必嫁得出je, 可能我要d錢供姑婆屋le!

我會覺得, 如果你跟我說阿xx在公司的年資比我長, 排資論輩應該佢升左先輪到我, 我冇話可說啦, 政府工係咁, 我會明白. 但宜家你咁同我講, 我就唔受服! 加上, 舊年為了穩定editorial team, 已破格將一位年資比我少的editor升grade. 雖說那位editor入職時人工非常之低, 就算升了grade人工還是低, 但總算有得升! 而我現在的感覺, 是我在這裡做了5年都好像一點進步也沒有, 原地踏步, 沒有人賞識我所做的任何事! 這些年來的光陰就好像白過了一樣!

很迷網!! 又搵唔到想轉既工! 唔知點好! 冇曬方向! 覺得前途好灰!