哥哥, 真的長大了!

以往, 哥哥給我的感覺, 是聲大夾冇準, 少少事總會v嘩鬼叫! 成個女人咁!

但經過今日搬電視機事件, 我發覺, 我哥哥真的長大了! 真的, 很高興見到他成長! 很高興!
還記得小時候, 我們常常搬屋 (差不多每三年搬一次), 哥哥每次幫手都差不多"成事不足, 敗事有餘". 因他成日都v嘩鬼叫, 須知道搬東西, 少少擦傷總是在所難免的, 但他每次都嘈, 又不會冷靜想想解決方法, 所以每次搬重的物件, 都不會旨意他幫手, 總是我和爸爸兩個處理!

自哥結婚後, 家中的大小事當然都是我搞掂, 從來都沒有找過哥幫忙, 一來怕他忙, 二來怕他搞到事情愈來愈複雜! 直到今次家中電視機壞了, 為了遲些才買LCD TV及慳錢原因, 我唯有要哥哥幫忙到我老細Shirley屋企車部舊電視給我. 佢幫手車得過黎, 當然要做埋全套安裝服務啦! 在這搬運及安裝過程中, 竟然冇v嘩鬼叫, 而且, 還很妥當的完成整個安裝過程. 真的! 哥哥已長大了!

假期前節目

剛過去的星期五晚 (28 Apr), 我陪Noel往山林道睇八字. 她一個月之前已跟師父約好啦, 不過後來她的朋友有事未能陪她上去, 所以便找我陪! 不知道是她生得條命好, 定還是"天機不可洩漏"呢, 我覺得師父所講的東西都很"大路", 雖然沒有說錯, 但她說的東西那麼"大路", 很難判斷她所說的準唔準呀! 而且, 她又說Noel條命生得幾好, 冇乜大起大跌, 所以嘛, 講左二十分鐘左右, 已經冇話可說啦! Noel說還是等她的朋友上去睇睇, 才知道師傅的"功力", 因她那位朋友經歷很多不如意的事, 如果師傅有料到的話, 應該會有好多野講呀!

那天晚上和Noel晚飯後, 過去銅鑼灣與Jackie, Kenny, 和他們的朋友飲野, 我還特登約埋Iris出黎. 一來唔駛我一個上去啦, 因我未跟過佢兩個去玩, 二來, 我又想介紹d年紀大d既男性朋友俾Iris識, 等佢多d機會嘛! 點知佢又嫌人唔靚仔, 又話人老! 講真呀, 如果你話要比靚仔, 我覺得佢地全班都好樣過阿豪同阿雄, 係有d有肚腩je, 但佢兩個都有呀! 我心諗, 你都唔細啦, 要搵都係搵d三十幾歲架啦, 成日群埋班廿幾歲既d d度, 又要人靚仔, 又要人玩得, 又要人有事業, 最好仲有錢tim, 而且又要人好似隨從咁, 服待周到, 有我都要呀!! 唉! 都唔知佢幾時先至改到呢d脾氣!! 學Jackie講, 佢地都唔係teenage, 唔會係佢expect咁既玩法lor!